محمد النحاس الفتنه ام بتاعه

محسوبكم صااااابر من بدرى .. ساكن فى الحى العشواااااائى
عضو فى جمعية مش لاااااقى ..... والصبر جميل
ومواطن بشرب من نيلها والوصل دليل .. وادى وصل النور

وادى صورتى فى جمعة هات حقى جوا التحرير
ومواظب عل حب بلادى ومتفائل خير 
وبحب جمال عبد النصار ورفضت جمال بن مبارك 
وحاربت جمال يوم الاربع وحاربت حمير
وبحب الجيش والدبابة ومليش فى الخيلة الكدابة
وطابور العيش وسط غلابة خادو منى كتير


ووقفت فى لجنات شعبية وبحب الوحد الوطنية 
واصحابى الفول والطعمية دول اجدع ناس 
ووقفت وصليت الغايب جوا القداس 
عل روح الورد اللى مفتح فى جناين مصر 

وعرفت القاتل والخاينوكلاب القصر
وعرفت كمان ان الدلتا دى علامة مصر
والنيل متوحد فى الاخر رغم الفرعين 

وعرفت حقوقى المتباعة وعرفت اجندة وفزاعة واكلت الكنتاكى اشاعة 
وخلعت رئيس بالخلاعة وعرفت الفتنة ام بتاعة كانت جاية منين


والطلقة اللى فى كتفى عارفها مش طلقة دين
الدين فى كنايس وجوامع اما اللى بيهتف فى الشارع دول مصريين