الجانى والمجنى عليه ايد واحدة امام قرارات مرسى الاخيرة
انقلبت لحرب الشوارع فى محافظات مصر
الاخوان يرفضون تحطيم واحراق المقرات الخاصة بهم
شباب الاخوان والسلفيين يخرجون لحماية مقراتهم
وجهات النظر ؟
ثوار وشوية فلول والامر مسلمش طبعا من البلطجية فى جهة
شباب الثورة :عاوزين دولة ديمقراطية وعدم التعدى على السلطات
الفلول خايفين طبعا من قرارات اعادة المحاكمات وانتزاع السلطة القضائية منهم يعنى حبسهم جميعا واعدام البعض فيهم
البلطجية طبعا الماجورين من الشفيق : احمد شفيق و فلول الحزب و الزند وعبد المجيد والناس الفل دى
فجاة : سباحى او صباحى يحط ايده مع البرادعى و عمرو موسى كان ناقص شفيق بس
بس الصورة كانت حلوة معنى كدا اكيد قرارات مرسى تعيد عصر ما قبل الثورة عصر بلا حريات
مش معنى انك تقفل القنوات وتخرص اصوات المعارضة انك تقدر تفكر وتحل مشاكل مصر لوحدك او بجماعتك
مصر فيها اكيد عقليات الغرب يحسنو استغلالها وللاسف
مرسى يلقى لخطابه امام معجبيه
زى ما كان مبارك بينجح فى الانتاخبات بنسبة 99% بردو مرسى اختار يكون مبارك
والقى خطبته وسط الحزب الوطنى ليسمع ما يرضيه فقط او لرد الجميل لمن يساندوه
الدولة البوليسية
المؤامرات والكلام المرسل والقرارات التى تؤخذ فجاة وتغيب فجاة فى وقت الحاجة اليها
مرسى يتهم 7 او 6 او 5 او 3 بانهم بيعملو مؤامرة وهو عارفهم طبعا لان اخوانه حواليه
طيب انت واثق كدا يا مرسى اافشهم وافضحهم بدل الجو اللى احنا عايشينه دا
مش خلاص الدستور دستورك و السلطات كلها فى ايدك طيب ورينا ؟
مشكلتنا قبل كدا كانت المشير والمجلس العسكرى حسب كلامكم ورميته بعد كدا قولتلنا القضاء والاعلام
بس المشير دا كرمته ووسام وحركات كدا وهو مفروض يتحاكم
يالله
شوية شفافية كدا واطلعو فى النور
بلاش جو الاسرار دا و الحاجات الغامضة دى اطلعو من الفيلم دا
ومبدا رد الجميل دا لازم يتنسى مش عشان دكتور قديم فى الاخوان يبقى محافظ
بلد لن تتطور الا باهل العلم والعماء وليس اصحاب الثقة و الدقون
ليست هناك تعليقات:
إرسال تعليق