السلام عليكم
فى شوية كلام كدا بنسمعه الايام دى اكيد الش هو يعنى ايه الش اصلا ؟
بما انى مواليد التمانينات وكنت بربى حمام وانا صغير فعارف معنى كلمة الش كويس
الالش هو لما الحمامة بتغير ريشها وبيكون شكلها وحش كدا وهى ريشها بيقع
والالش بمفهوم اللى بيلعبو كورة لما تييجى تشوط الكورة وتالش او تشوط الهوا
فا الالش واضح انها كلمة وطنية ومش عيب علينا ولا حاجة لو قولناها
ايام الستينات ياخوانا كنا بنشوف فى الافلام علامة التعجب عندهم يالهوى او ياخرابى
وفى الفلاحين يالهوتى ويا خراشى
وظهر بعد كدا تعلقيات للتعجب جديدة زى مثلا هوباااااااااااا ويانهار ابيض ويانهار اسود والخ
وتطور الموضوع فى السويس شوية بيقولو هوبا يالا . لا روش ياد
اما الايام الحالية بعد انتشار فيس بوك ويوتيوب و الاندرويد الله لا يكسبه
بنسمع كلام عسل
زى مثلا اوبس دى ؟ اصلا محدش عارف معناها ولا الاجانب نفسهم
OPS
ترجمتها على جوجل الاهبل لمؤخذة ياعم جوجل
مكتب خدمة المشاريع
اما بعد البحث العميق عن الكلمة وجدت انها تعنى العمليات
Operations
دى منطقية شوية
مش دى المشكلة اننا لما نتعجب بنقول عمليات او مكتب خدمة المشاريع
المشكلة اننا بننفى العربى بالانجليزى يعنى فى كلمة مشهورة زى ازيك او اخبارك ايه اسمها
ايه الطموح ؟
اما ردها حاجة من اتنين يا اما فل او طموحلس
less دى اداة نفى يعنى ان الدنيا وحشة او الحياة مش تمام
طيب الامريكان اصلا اغبيا فلما يقولو كلمة ميعرفوش معناها دا شىء طبيعى
انما احنا عكس الطموح يبقى طموحلس ياولاد المرا
وعلامة التعجب بتاعتنا بدل يالهوى اوبس
الله يرحمك يابا
ليست هناك تعليقات:
إرسال تعليق